Ağdaşda minik və yük avtomobilləri toqquşdu: xəsarət alan var

Ağdaş rayonunda yol qəzası baş verib. Avtosfer.az-ın "Report"a istinadən məlumatına görə, hadisə rayonun Ləki kəndinin avtomobil yolunda qeydə alınıb. Belə ki, VAZ markalı minik avtomobilinin yük maşınına çırpılması nəticəsində birincinin sürücüsü Vaqif Məhəmməd oğlu Nəsibovun dili dişlərinin arasında qalaraq kəsilib. O, Ağdaş Rayon Mərkəzi Xəstəxanasının Reanimasiya şöbəsinə yerləşdirilib, vəziyyəti ağır olaraq qiymətləndirilir.

Yaxınları V.Nəsibovun təzyiq xəstəliyindən əziyyət çəkdiyini bildiriblər. İlkin ehtimala görə, qəzaya sürücü sükan arxasında olarkən təzyiqinin qalxması səbəb olub.

Faktla bağlı araşdırma aparılır.