Ağstafada məktəblini qatar vuraraq öldürüb

Ağstafa rayonunda məktəblini qatar vuraraq öldürüb. Avtosfer.az-ın "Report"a istinadən məlumatına görə, hadisə Böyük Kəsik stansiyası yaxınlığında qeydə alınıb. Belə ki, 2008-ci il təvəllüdlü Elbrus İlham oglu Əhmədovu dəmir yolu xəttini qarşı tərəfə keçmək istəyərkən qatar vurub. O, aldığı xəsarətlərdən yerindəcə dünyasını dəyişib. Faktla bağlı araşdırma aparılır.