Ağsuda avtomobil aşdı: 3 nəfər ağır xəsarət alıb

Ağsu rayonunda yol-nəqliyyat hadisəsi olub. Avtosfer.az-ın APA-ya istinadən xəbərinə görə, hadisə bu gün rayonun Ağarx kəndində qeydə alınıb. Həmin kənd sakini, 1974-cü il təvəllüdlü Nağıyev Mahmud Abduləziz oğlunun idarə etdiyi "VAZ-2106" markalı minik avtomobili yoldan çıxaraq aşıb. Hadisə zamanı sürücü Mahmud Nağıyev, sərnişinlər -1964-cü il təvəllüdlü Mirzəliyeva Nailə Həmid qızı və 1976-cı il təvəllüdlü Mərdan Ələkbərov müxtəlif dərəcəli bədən xəsarətləri aldıqları üçün təcili tibbi yardım stansiyasının avtomobili ilə Ağsu rayon Mərkəzi Xəstəxanasına çatdırılıblar. Faktla bağlı Ağsu Rayon Polis Şöbəsi tərəfindən araşdırma aparılır.