Ağsuda avtomobilin aşdı: xəsarət alan var - YENİLƏNİB

Ağsuda baş verən yol-nəqliyyat hadisəsi zamanı xəsarət alan şəxsin vəziyyəti açıqlanıb.

Avtosfer.az oxu.az-a istinadən xəbər verir ki, bu barədə Tibbi Ərazi Bölmələrini İdarəetmə Birliyindən (TƏBİB) məlumat verilib.

Bildirilib ki, sözügedən şəxsin vəziyyəti ağırdır:

"1992-ci il təvəllüdlü Radim Əlibala oğlu Abdullayev may ayının 25-i saat 23:10-da Ağsu Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

Açıq kəllə-beyin travması, sol tərəfdən sağ təpə alın nahiyəsinin əzilib, cırılmış yarası, sol gicgah sümüyünün sınığı, sağ 9-cu qabırğasının sınığı, beyindaxili qanaxma diaqnozları təyin edilən şəxsin müalicəsi Reanimasiya şöbəsində davam etdirilir, vəziyyəti ağırdır".

***

Ağsuda "Mercedes-Benz" idarəetmədən çıxaraq aşıb.

Avtosfer.az oxu.az-a istinadən xəbər verir ki, hadisə nəticəsində sürücü, 1992-ci il təvəllüdlü Radim Əlibala oğlu Abdullayev ağır bədən xəsarəti ilə Ağsu Rayon Mərkəzi Xəstəxanasına çatdırılıb.

Faktla bağlı araşdırma aparılır.