Ağsuda "Mercedes" aşdı: İki nəfər xəsarət aldı - YENİLƏNİB

Ağsuda baş verən yol-nəqliyyat hadisəsində xəsarət alan iki nəfərin vəziyyəti açıqlanıb.

Ağsu Rayon Mərkəzi Xəstəxanasından verilən məlumatda bildirilib ki, qəzada xəsarət alan iki nəfər (kişi) 02.04.2026-cı il tarixində saat 00:30-da Ağsu Rayon Mərkəzi Xəstəxanasına hospitalizasiya olunub.

Müxtəlif bədən xəsarətləri alan pasiyentlərə zəruri tibbi xidmətlər göstərilib. Hazırda müalicələri davam etdirilir, vəziyyətləri stabildir./oxu.az

***10:54

Ağsu rayonunda yol-nəqliyyat hadisəsi baş verib.

Avtosfer.az oxu.az-a istinadən xəbər verir ki, qəza gecə saatlarında rayonun Qiyaslı kəndi ərazisində qeydə alınıb.

Rayon sakini, 2006-cı il təvəllüdlü Sadiq Ağasəf oğlu Paşayev "Mercedes" markalı avtomobilə idarəetməni itirib. Nəticədə nəqliyyat vasitəsi aşıb.

Hadisə zamanı sürücü və avtomobildə olan sərnişini, Ağsu rayonunun Kəndoba kənd sakini, 2008-ci il təvəllüdlü Qəribxan Gülxan oğlu Hüseynzadə müxtəlif dərəcəli bədən xəsarətləri ilə xəstəxanaya yerləşdiriliblər.

Faktla bağlı araşdırma aparılır.