Antalyada avtomobillər toqquşdu, 2 nəfər yüngül xəsarət aldı

Türkiyənin Antalya şəhərinin Muratpaşa rayonunda yolayrıcında iki minik avtomobili toqquşub.

Avtosfer.az Türkiyə mediasına istinadla xəbər verir ki, zərbənin təsirindən avtomobillərdən biri aşıb və tərs vəziyyətdə qalıb.

Qəza nəticəsində tərs çevrilən avtomobilin sürücüsü və sərnişini yüngül xəsarət alaraq xəstəxanaya çatdırılıb. Digər avtomobildə olan sürücü və iki sərnişin isə xəsarət almayıb.

Hadisə yerinə polis və təcili tibbi yardım briqadaları cəlb olunub. Avtomobillər yoldan götürüldükdən sonra nəqliyyatın hərəkəti bərpa edilib.

Faktla bağlı araşdırma aparılır.