Astarada avtomobil dərəyə aşdı: xəsarət alanlar var

Astara rayonunda yol qəzası baş verib. Avtosfer.az-ın "Report"a istinadən məlumatına görə, hadisə rayonun Pılikeş kəndində qeydə alınıb.  Belə ki, 1978-ci il təvəllüdlü Loğman Hacırıza oğlu Eyvazov idarə etdiyi UAZ markalı avtomobili dərəyə aşırıb. Nəticədə özü və sərnişini, 1953-cü il təvəllüdlü Sürəyya Mirsaleh qızı Verdiyeva müxtəlif dərəcəli bədən xəsarətləri ilə Lənkəran Rayon Mərkəzi Xəstəxanasına çatdırılıblar.

S.Verdiyeva vəziyyəti ağır olduğundan Reanimasiya şöbəsinə yerləşdirilib.

Faktla bağlı araşdırma aparılır.