Avtobus yük maşınına çırpıldı: 1 ölü, 11 yaralı

İranın cənubunda Kirman vilayətində avtobus yük maşını ilə toqquşub. Avtosfer.az-ın Trend-ə istinadən məlumatına görə, bunu İranın Kirman vilayəti təcili yardım mərkəzinin rəhbəri Məhəmməd Sabiri deyib.

M.Sabirinin sözlərinə görə, hadisə nəticəsində sürücü həlak olub, 11 nəfər yaralanıb.

Yaralılar arasında 4 Pakistan vətəndaşı olub.

Avtobus İranın Sistan və Bəluçestan vilayətinin Çabəhar şəhərindən Tehran istiqamətində hərəkət edirmiş.