Avtobusun qoşqusu avtomobilə çırpıldı: 2 ölü, 5 yaralı - FOTO

Türkiyənin Şanlıurfa vilayətinin Suruç rayonunda avtobusun arxasından qopan qoşqu qarşı yoldan gələn avtomobilə çırpılıb. Avtosfer.az yerli mətbuata istinadən xəbər verir ki, çırpılmanın şiddətindən deformasiyaya uğrayan maşında olan 2 nəfər ölüb, 5 nəfər isə xəsarət alıb.

Yaralılar təcili tibbi yardım maşınları ilə Rayon xəstəxanasına yerləşdiriliblər.

Onlardan 3 nəfərin vəziyyətinin ağır olduğu bildirilib.

Qəza ilə bağlı araşdırma aparılır.

Namiq