Avtomobil aşdı: xəsarət alan var - Kürdəmirdə

Kürdəmir rayonunda xəsarətlə nəticələnən yol qəzası baş verib. Avtosfer.az-ın "Report"a istinadən məlumatına görə, hadisə Bakı-Qazax avtomobil yolunun 167 km-də, rayonun Sığırlı kəndi ərazisindən keçən hissəsində qeydə alınıb. Belə ki, Tovuz sakini, 1972-ci il təvəllüdlü Azad Cahangir oğlu İsmayılov idarə etdiyi "VAZ-2107" markalı avtomobillə Gəncə istiqamətində hərəkətdə olarkən nəqliyyat vasitəsinə idarəetməni itirib və avtomaşın yol kənarındakı dərəyə yuvarlanıb. Nəticədə A.İsmayılov müxtəlif dərəcəli ağır bədən xəsarətləri alıb. O, Kürdəmir rayon Mərkəzi Xəstəxanasının Travmatologiya şöbəsinə yerləşdirilib.

Hadisəyə səbəb kimi sürücünün sükan arxasında yuxulaması göstərilir.

Faktla bağlı araşdırma aparılır.