Avtomobil dirəyə çırpıldı: xəsarət alanlar var - Xaçmazda

Xaçmaz rayonu ərazisində yol-nəqliyyat hadisəsi baş verib. Avtosfer.az-ın APA-ya istinadən verdiyi məlumata görə, hadisə bu gün axşam saatlarında Xudat-Yalama yolunda qeydə alınıb. Hərəkətdə olan nəqliyyat vasitəsi yoldan çıxaraq dirəyə çırpılıb. Qəza nəticəsində 2 nəfər xəsarət alıb. Xəsarət alan şəxslər - 1968-ci il təvəllüdlü Qafarov Azər İbrahim oğlu və 1978-ci il təvəllüdlü Musayev Elbrus Ramaləddin oğlu Xaçmaz Mərkəzi Rayon Xəstəxanasına yerləşdirilib. Faktla bağlı araşdırmalar davam etdirilir.