Avtomobil dirəyə, mikroavtobus isə həmin avtomobilə çırpılıb

Bakının Qaradağ rayonunda qəza baş verib. Minik avtomobili dirəyə, onun arxasınca gələn "Sprinter" markalı mikroavtobus isə həmin avtomobilə çırpılıb. Avtosfer.az xəbər verir ki, Səhiyyə Nazirliyinin mətbuat xidmətindən Trend-ə verilən məlumata görə, hadisə nəticəsində 65-68 yaşlı kişi dünyasını dəyişib. Qəza nəticəsində 45 yaşlı kişi qapalı kəllə beyin travması, daha 2 qadın, 1 kişi isə müxtəlif yüngül travmalarlarla Kliniki Tibbi Mərkəzə gətirilib.