Avtomobil işıq dirəyinə çırpıldı: ikiyə bölündü - FOTO

Türkiyənin Qəhrəmanmaraş vilayətində yağışın yağması ilə yolun sürüşkən olması səbəbindən sürücünün idarəetməsindən çıxan avtomobil yol kənarındakı işıq dirəyinə çırpılıb. Avtosfer.az Türkiyə mətbuatına istinadən xəbər verir ki, çırpılmanın şiddətindən avtomobil deformasiyaya uğrayıb. Qəza nəticəsində 1 nəfər ölüb, 1 nəfər isə xəsarət alıb. Hadisə yerinə tibb və xilasetmə əməkdaşları cəlb olunub. Xilasetmə əməkdaşları yaralıları deformasiyaya uğramış avtomobildən çıxararaq tibb əməkdaşlarına təhvil veriblər. Təcili Tibbi Yardım maşınları ilə xəstəxanaya aparılan yaralılardan biri yolda dünyasını dəyişib. Polis qəza ilə bağlı araşdırmalara başlayıb.

Namiq