Avtomobil mikroavtobusla toqquşdu: 9 ölü, 15 yaralı

Misirin Asuan əyalətində avtomobilin mikroavtobusla toqquşması nəticəsində 9 nəfər ölüb 15 nəfər isə xəsarət alıb. Avtosfer.az “RİA Novosti”yə istinadən xəbər verir ki, insident iyunun 7-si səhər saatlarında Asuan-Qahirə magistralında qeydə alınıb. Bu barədə "Youm7" nəşri məlumat yayıb. Məlumata görə, ölənlərin əksəriyyəti Asuan universitetinin tələbələridir. Yaralılar xəstəxanalara yerləşdirilib. Nəşrin yazdığına görə, əyalət qubernatoru Əhməd İbrahim ölənlərin ailələrinə başsağlığı verib. O həmçinin, səhiyyə departamentinə xəsarət alanlara köməklik göstərilməsi barədə göstəriş verib. Qəzanın baş vermə səbəbləri araşdırılır.

Namiq