Avtomobil motosikletli kuryeyə çırpıldı - ANBAAN VİDEO

Diyarbəkirin Kayapınar rayonunda baş verən yol-nəqliyyat hadisəsində avtomobilin vurduğu motosikletli kuryer yaralanıb.

Avtosfer.az türk mediasına istinadən xəbər verir ki, qəza Yılmaz Güney prospektində baş verib. Prospektdə dönüş edən avtomobil qarşı istiqamətdən gələn motokuryeryə çırpılıb. Güclü zərbə nəticəsində motosiklet sürücüsü bir neçə metr irəliyə sovrulub.

Hadisədən sonra avtomobil sürücüsü və ətrafdakı vətəndaşlar yaralı gəncə ilkin yardım göstəriblər. Məlumat verildikdən sonra əraziyə 112 təcili tibbi yardım və polis əməkdaşları cəlb olunub. Yaralı kuryer təcili tibbi yardım maşını ilə xəstəxanaya aparılıb.

Qəza anına dair görüntülər kameralara yansıyıb və hadisə ilə bağlı araşdırma başladılıb./Sonxeber.az