Avtomobil yoldan çıxaraq aşdı: 2 ölü, 2 yaralı

Türkiyənin Afyonkarahisar vilayətinin Sultandağı rayonunda ağır yol-nəqliyyat hadisəsi baş verib.

Avtosfer.az xəbər verir ki, Konya-Afyonkarahisar avtomobil yolunda hərəkətdə olan minik avtomobili sürücünün idarəetməni itirməsi nəticəsində yoldan çıxaraq aşıb və yol kənarındakı əraziyə yuvarlanıb.

Qəza nəticəsində sürücü E.A. və avtomobildə olan M.A. hadisə yerində həyatını itirib. Daha iki nəfər, o cümlədən 8 yaşlı uşaq yaralanıb.

Yaralılar xəstəxanaya yerləşdirilib. Faktla bağlı araşdırma başlanılıb.