Avtomobili yük maşınına çırpıldı: ölən var

Yevlax rayonunda ölümlə nəticələnən yol qəzası baş verib. Avtosfer.az-ın "Report"a istinadən məlumatına görə, rayonun Aşağı Qarxun kəndi ərazisində hərəkətdə olan "VAZ-21011" markalı avtomobil qarşıda gedən yük avtomobilinə çırpılıb. Nəticədə "VAZ"ın sürücüsü ağır bədən xəsarətləri alaraq hadisə yerində ölüb. Ölənin şəxsiyyəti dəqiqləşdirilir.

Faktla bağlı araşdırma aparılır.