Avtomobillə piyadanı vurub qaçan sürücü saxlanılıb - Göyçayda

Göyçayda martın 29-da piyadanın vurulması ilə nəticələnən yol-nəqliyyat hadisəsini törədən şəxsin kimliyi məlum olub. Daxili İşlər Nazirliyinin Mətbuat Xidmətinin Şəki Regional Qrupundan Avtosfer.az-a verilən məlumata görə, rayonun Kürdəmiş kənd sakini, 1986-cı il təvəllüdlü Həsənov Vüqar Nəriman oğlu Göyçay şəhərində "VAZ 21099" markalı minik avtomobili ilə hərəkətdə olarkən yolu keçən piyadanı, Göyçay şəhər sakini 1969-cu il təvəllüdlü Qəribov Rafiq Əliağa oğlunu vurub hadisə yerindən qaçıb. Polis əməkdaşları tərəfindən keçirilən əməliyyat-axtarış tədbirləri nəticəsində hadisəni törədən şəxs saxlanılaraq polis şöbəsinə gətirilib. O, hadisə zamanı həyəcanlı olduğu üçün qaçdığını bildirib. Faktla bağlı Göyçay rayon Polis Şöbəsi tərəfindən araşdırma davam edir.

Namiq