Avtoqəza nəticəsində yol bağlanıb - Sumqayıtda

Sumqayıt şəhərinin Məhəmməd Əsədov küçəsində yol qəzası olub. Avtosfer.az "Report"a istinadən xəbər verir ki, şəhərin 18-ci mikraroyonu ərazisində BMW və "QAZ-24" markalı avtomobillərin toqquşması nəticəsində ölən və xəsarət alan olmasa da, hər iki nəqliyyat vasitəsinə ciddi ziyan dəyib. Şahidlərin sözlərinə görə, qəzaya BMW-nin dönmə hərəkəti edən zaman işıqforun tələbinə əməl etməməsi səbəb olub. Qəza yerində böyük tıxac yaranıb.