Aydında ağır qəza: İki ölü, bir yaralı

Türkiyənin Aydın vilayətinin Karacasu rayonunda yük avtomobilinin aşması nəticəsində 2 nəfər ölüb, 1 nəfər yaralanıb.

Avtosfer.az HaberGlobal-a istinadla xəbər verir ki, idarəetmədən çıxan yük avtomobili qarşı zolağa keçərək aşıb. Hadisə nəticəsində 28 yaşlı sürücü qəza yerində həyatını itirib.

Qəzada yaralanan iki sərnişin xəstəxanaya çatdırılıb. Onlardan 39 yaşlı şəxs həkimlərin müdaxiləsinə baxmayaraq vəfat edib. Digər yaralının müalicəsi davam edir.

Faktla bağlı araşdırma aparılır.