Aydında polis avtomobili ilə minik maşını toqquşub: İki yaralı - FOTO

Türkiyənin Aydın vilayətinin Nazilli rayonunda polis avtomobili ilə minik maşınının toqquşub.

Avtosfer.az Türk mediasına istinadla xəbər verir ki, hərəkətdə olan polis avtomobili ilə V.Y.-nin idarə etdiyi minik maşını toqquşub. Zərbənin təsirindən polis avtomobili yan tərəfə çevrilib.

Hadisə yerinə yanğınsöndürən, polis, jandarma və təcili tibbi yardım əməkdaşları cəlb olunub.

Qəza nəticəsində polis əməkdaşı və minik avtomobilinin sürücüsü xəsarət alıb. Yaralılar ilkin tibbi yardım göstərildikdən sonra Nazilli Dövlət Xəstəxanasına aparılıb.

Onların həyati təhlükəsinin olmadığı bildirilib. Qəza ilə bağlı araşdırma başlanılıb.

Nigar