Bakı-Qazax yolunda ər və arvad qəzaya düşüb

Goranboy rayonunda yol-nəqliyyat hadisəsi baş verib. Avtosfer.az-ın ONA-ya istinadən məlumatına görə hadisə səhərə yaxın çağlarda Bakı-Qazax avtomobil yolunun Goranboy rayonunun Goran qəsəbəsi ərazisindən keçən hissəsində baş verib. İlkin məlumata görə, idarəetməni itirən “Nissan” markalı minik maşını yolun kənarındakı dəmir maneələrə çırpılıb.

Hadisə nəticəsində sürücü, 1953-cü il təvəllüdlü Cəbrayıl İsmayıl oğlu İsmayılov və onun həyat yoldaşı 1957-ci il təvəllüdlü Mailə Həşim qızı İsmayılova müxtəlif bədən xəsarətləri alıb.

Hər iki yaralı rayon xəstəxanasına yerləşdirilib. Onlarlın ayaq və döş qəfəs nayihələrindən xəsarət aldıqları bildirilir.

Faktla bağlı araşdırma aparılır.