Bakı-Quba yolunda qəza: Niva aşdı

Bakı-Quba-Rusiya sərhədi avtomobil yolunda qəza baş verib. Avtosfer.az-ın Trend-ə istinadən məlumatına görə, hadisə bu gün günorta saatlarında olub. Şahidlərin sözlərinə görə, şəhər istiqaməti ilə hərəkətdə olan "Niva" markalı avtomobil dəmir arakəsməyə dəyərək yuvarlanıb.

Qəzada xəsarət alan sürücü təcili tibbi yardımla xəstəxanaya çatdırılıb.

Hadisə yerinə DYP əməkdaşları cəlb olunub, araşdırma aparılır.