Bakı-Quba yolunda yük maşınları toqquşdu, toyuqlar kütləvi şəkildə məhv oldu - VİDEO

Bakı-Quba yolunda yol-nəqliyyat hadisəsi baş verib.

Avtosfer.az-ın məlumatına görə, qəza fevralın 16-da səhər saatlarında qeydə alınıb.

Belə ki, hərəkətdə olan 77-JY-934 dövlət nömrə nişanlı “Mercedes Atego” markalı yük avtomobili yol kənarında dayanmış 27-BH-257 dövlət nömrə nişanlı “KamAZ” markalı yük maşını ilə toqquşub.

Şahidlərin iddiasına görə, qəzanın baş verməsinə səbəb “Mercedes”in sürücüsünün idarəetməni itirməsi olub.

Hadisə nəticəsində hər iki nəqliyyat vasitəsinə maddi ziyan dəyib, yük yerində daşınan toyuqlar yola səpələnərək məhv olub. Sürücülər arasında xəsarət alan olmayıb.

Faktla bağlı araşdırma aparılır.

Nərmin