Bakıda 36 yaşlı piyadanı avtomobil vurub - VİDEO

Yasamal rayonunda yol-nəqliyyat hadisəsi zamanı 1 nəfər xəsarət alıb. Avtosfer.az-ın ONA-ya istinadən məlumatına görə, yol qəzası Abdulla Şaiq küçəsində baş verib. Abbas Abbasov idarə etdiyi "Hyundai" markalı avtomobillə küçədə hərəkət edən zaman qəfil qarşısına 1983-cü il təvəllüdlü Quliyev Alim Rasim oğlu çıxıb. İdarəetməni itirən sürücü A.Quliyevi vurub.

Ağır xəsarət alan piyada sürücünün köməkliyi ilə özəl xəstəxanaların birinə yerləşdirilib. Onun vəziyyətinin ağır olduğu bildirilir.

Faktla bağlı Yasamal Rayon Polis İdarəsində araşdırma aparılır.