Bakıda 40 yaşlı şəxsi avtomobil vurdu, komaya düşdü

Bakının Xəzər rayonunda yol qəzası zamanı bir nəfər komaya düşüb.

Hadisə Mərdəkan-Zirə şossesində qeydə alınıb.

Belə ki, 40 yaşlı Taleh Ağayev yolun piyada üçün müəyyən edilməmiş hissəsindən keçərkən onu minik avtomobili vurub.

Hadisəni törədən sürücü yaralını xəstəxanaya çatdırıb. Həkimlər onun komatoz vəziyyətində olduğunu bildirir.

Yaralı xəstəxananın reanimasiya şöbəsinə yerləşdirilib.

Faktla bağlı Xəzər Rayon Polis İdarəsində təhqiqat araşdırmaları aparılır. (apa)