Bakıda ağır qəza: motosiklet "Cadillac"a çırpıldı - FOTO

Bugün saat 18.00 radələrində Azadlıq prospektində yerləşən "Böyükfirat" restoranında motosikletli kuryer kimi çalışan Vüsal adlı şəxs idarə etdiyi “Haojue 125” markalı motosiklet ilə 99-RL-389 nömrə nişanlı “Cadillac” markalı avtomobillə toqquşub.
Avtosfer.az xəbər verir ki, ilkin ehtimallara və hadisə yerində olanların verdiyi məlumata görə qəzaya səbəb avtomobil sürücüsünün diqqətsizliyi olub.

Hənifə Ələsgərov və Süleyman Rüstəm küçələrinin kəsişməsində qeydə alınan hadisə zamanı  motosiklet sürücüsü ağır xəsarətlə 1 saylı kliniki tibbi mərkəzə çatdırılıb. Hazırda reanimasiya şöbəsində olan xəstənin vəziyyəti ağır olaraq qalır.

Orxan