Bakıda avtobus yük maşını ilə toqquşdu: 2-si ağır, 6 yaralı - FOTO

Bu gün Bakının Sabunçu rayonu ərazisində, Sabunçu-Zabrat yolunda "İsuzu" markalı xətt avtobusunun "Qazel" markalı yük maşını ilə toqquşması nəticəsində 6 nəfər xəsarət alıb.

Avtosfer.az xəbər verir ki, Səhiyyə Nazirliyinin mətbuat xidmətinin rəhbəri Pərviz Abubəkirovun ONA-ya verdiyi məlumata görə, qəzada xəsarət alan 3 qadın və 3 kişi 3 № li Şəhər Klinik Xəstəxana yerləşdirilib. Xəsarət alanlardan 2-nin durumu ağır, 4-nün durumu orta-ağırdır.