Bakıda daha bir ağac hərəkətdə olan maşının üstünə aşdı - VİDEO

Bakıda küləkli hava səbəbindən daha bir təhlükəli hadisə baş verib. Taksi fəaliyyəti ilə məşğul olan sürücü hərəkətdə olarkən svetofora yaxınlaşdığı anda güclü küləyin təsiri ilə iri gövdəli ağac aşıb və "BYD" markalı avtomobilin üzərinə düşüb.

Hadisə 14:40 radələrində Azadlıq prospekti ilə Üzeyir Hacıbəyov küçəsinin kəsişməsində, 160 nömrəli məktəbin yaxınlığında baş verib.

Avtosfer.az xəbər verir ki, hadisə yerinə dərhal polis əməkdaşları və Fövqəladə Hallar Nazirliyinin əməkdaşları cəlb olunub. Onlar sürücüyə ilkin yardım göstəriblər və ərazidə təhlükəsizlik tədbirləri həyata keçirilib.

Qeyd edək ki, hadisə zamanı xəsarət alan olmayıb, lakin avtomobilə ciddi ziyan dəyib.

Eltac Zülfüqaroğlu