Bakıda dəmir arakəsmə "Megan"ı bu hala saldı - Sürücü sağ qaldı - FOTO

Bakıda ağır yol-nəqliyyat hadisəsi baş verib. Avtosfer.az-ın məlumatına görə, qəza Xətai rayonu Zığ şosesində qeydə alınıb. Şəhər istiqamətindən üzü Hövsan qəsəbəsi ilə hərəkətdə olan "Renault Megane" markalı avtomobil idarəetməni itirərək yol kənarındakı dəmir maneəyə çırpılıb. Nəticədə dəmir arakəsmə avtomobilin ön şüşəsindən salona girərək, arxa şüşədən çıxıb. Maşın bu vəziyyətdə təxminən 10 metr irəli gedib.

Şahidlərin bildirdiyinə görə, qəza zamanı avtomobildə sürücü tək olub, o da ciddi xəsarətlər almayıb.

Qəzanın səbəbləri araşdırılır.