Bakıda ehtiyatsız sürücü “Changan”ı qarşısındakı maşına çırpdı - ANBAAN VİDEO

Yol qəzalarının əsas səbəblərindən biri sürücülərin düzgün ara məsafəsi saxlamamasıdır. Xüsusilə yüksək sürətlə hərəkət zamanı önündə gedən avtomobilə həddindən artıq yaxınlaşmaq, qəfil dayanma halında toqquşmanı qaçılmaz edir. Bu isə çox vaxt zəncirvari qəzalarla nəticələnir.

Ara məsafəsinin düzgün seçilməməsinə səbəb kimi sürət həddinin aşılması, diqqətsizlik, mobil telefondan istifadə və ehtiyatsız davranışlar göstərilir.

Paytaxtın Niyazi küçəsində baş verən son qəza da bu problemin bariz nümunəsidir. Avtosfer.az-ın məlumatına görə, hadisə bir neçə gün əvvəl səhər saatlarında qeydə alınıb. Hərəkətdə olan “Changan” markalı avtomobil, qarşısında gedən “KIA” ilə toqquşub. Kadrlardan görünür ki, “Changan” sürücüsü ara məsafəsini düzgün təyin etmir və nəticədə qəza baş verir.

Nərmin