Bakıda "Hyundai" yolayrıcında qarşısına çıxan "Galik"i vurub aşırdı - VİDEO

Paytaxtın Xətai rayonu, Mehdi Mehdizadə küçəsində yol-nəqliyyat hadisəsi baş verib.

Avtosfer.az-ın məlumatına görə, qəza iyulun 18-də səhər saatlarında qeydə alınıb. Belə ki, hərəkətdə olan “Hyundai” markalı maşın, 90-HO-500 dövlət nömrə nişanlı “Mercedes Gelandewagen” markalı avtomobillə toqquşub. Şahidlərin iddiasına əsasən, qəzaya səbəb “Gelandewagen” sürücüsünün yolayırıcının keçilməsi qaydasını pozması olub. Nəticədə “Hyundai”ya çırpılan maşın zərbənin təsirindən aşıb. Hadisə zamanı hər iki nəqliyyat vasitəsinə və yol infrastrukturuna maddi ziyan dəyib. Xoşbəxtlikdən hadisə zamanı xəsarət alan olmayıb.

Qeyd edək ki, faktla bağlı araşdırma aparılır.

Nərmin