Bakıda maşın səkiyə çırpıldı: sürücü xəsarət alıb

Bakının Nizami rayonu ərazisində xəsarətlə nəticələnən yol-nəqliyyat hadisəsi baş verib. Avtosfer.az "Report"a istinadən xəbər verir ki, 1987-ci il təvəllüdlü Bəylərov Ceyhun "Daewoo" markalı avtomobil ilə hərəkətdə olarkən idarəetməni itirərək Heydər Əliyev prospekti, 115 ünvanında, "ASAN Xidmət"lə üzbəüz yolda səkiyə çırpılıb. Nəticədə sürücü xəsarət alaraq "təcili yardım" maşını ilə 3 saylı Klinik Tibbi Mərkəzə aparılıb. Qəzaya "Daewoo"nun yanından keçən "Nissan X-Trail" markalı avtomobilin səbəb olduğu bildirilir.