Bakıda minik avtomobili atla toqquşdu - VİDEO

Ötən gün Bakının Yasamal rayonunda atla hərəkət edərək təhlükə yaradan şəxs polis tərəfindən saxlanılıb.

Avtosfer.az oxu.az-a istinadən xəbər verir ki, həmin qayda pozuntusunu etmiş S.Şükürlü barəsində qanunvericiliyə uyğun məsuliyyət tədbirləri görülür.

***20:15, 14 oktyabr

Paytaxtın Yasamal rayonunun Yeni Yasamal yaşayış massivində minik avtomobili atla toqquşub.

Avtosfer.az Oxu.Az-a istinadla xəbər verir ki, hadisə saat 16 radələrində Murad Mirzəyev küçəsi ilə Əsəd Əhmədov küçəsinin kəsişməsində baş verib.

Hadisə nəticəsində xəsarət alan olmasa da, minik avtomobilinə ciddi ziyan dəyib.

Qəzanın hansı şəraitdə baş verdiyi məlum deyil.