Bakıda minik maşını yük avtomobilinə çırpılıb, xəsarət alan var - FOTO

Bakının Nərimanov rayonunda minik və yük avtomobilləri toqquşub.

Avtosfer.az xəbər verir ki, hadisə Ziya Bünyadov prospektində baş verib.

Belə ki, Ziya Nağıyev idarə etdiyi “Toyota” markalı maşında sükana nəzarəti itirib.

Bu zaman minik avtomobili metronun “Koroğlu” stansiyası istiqamətində hərəkətdə olan “Jac” markalı yük maşınına çırpılıb.

İdarəetmədən çıxan maşın daha sonra beton yolayrıcına dəyərək dayanıb.

Qəza nəticəsində Z.Nağıyev xəstəxanaya yerləşdirilib.

Faktla bağlı Nərimanov Rayon Polis İdarəsinin əməkdaşları tərəfindən araşdırma aparılır.

apa