Bakıda “Prius” keçiddən istifadə etməyən kişini vurub öldürdü

Bu gün axşam saatlarında Səbail rayon Bayıl qəsəbəsi ərazisində piyadanı maşın vurub. Avtosfer.az xəbər verir ki, hadisə Su İdman Sarayının qarşısında baş verib.

Yeraltı keçid olmasına baxmayaraq qəflətən digər ərazidən yola çıxan orta yaşlı kişini “Toyota Prius” markalı minik avtomobili vurub. Qəza nəticəsində ağır xəsarətlər alan piyada yerindəcə keçinib.

Hadisə yerinə polis əməkdaşları və təcili tibbi yardım gəlib.

Faktla bağlı araşdırma aparılır.