Bakıda sürücü motosikleti vurub aşırdı; kuryer asfalta yıxıldı - ANBAAN VİDEO

Paytaxtda baş verən yol-nəqliyyat hadisəsi anbaan avtomobilin kamerasına düşüb.

Avtosfer.az-ın məlumatına görə, qəza bir müddət əvvəl Heydər Əliyev prospektində qeydə alınıb.

Kadrlardan göründüyü kimi, sol zolaqda hərəkətdə olan avtomobilin sürücüsü sağ zolaqdakı motosikletə məhəl qoymadan həmin zolağa manevr edib. Nəticədə avtomobil motosikletə çırpılıb. Zərbənin təsirindən motosiklet aşıb, sürücü isə asfalta yıxılıb.

Hadisəyə şahid olan sürücülər nəqliyyat vasitələrini saxlayaraq moto kuryerə yardım göstəriblər.

Xoşbəxtlikdən qəza ağır nəticələrə səbəb olmayıb.

Görüntülərdə qəzanın baş verməsinə səbəb olan avtomobilin sürücüsünün bir qədər sonra dayandığı da əks olunub.

Nərmin