Bakıda yük maşını aşıb: 2 nəfər yaralanıb

Paytaxtın Buzovna qəsəbəsində 2 nəfərin xəsarət alması ilə nəticələnən yol qəzası baş verib. Avtosfer.az ONA-ya istinadən xəbər verir ki, hərəkətdə olan "QAZ 51" markalı yük avtomobilinin sürücüsü 1955-ci il təvəllüdlü Amayev Zaur Lətif oğlu ani idarəetməni itirib. Nəticədə avtomobil aşıb.

Qəza zamanı sürücü sağ dirsəyindən, sərnişin 1987-ci il təvəllüdlü Əliyev Elçin Mahmud oğlu isə döş qəfəsindən xəsarət alıblar.

Onlar 3 saylı Şəhər Kliniki Mərkəzinə aparılıb.

Faktla bağlı araşdırma aparılır.