Bakıda yük maşını dəhşətli qəzaya səbəb oldu: Avtomobilləri əzib obyektə çırpıldı - VİDEO

Paytaxtın Səbail rayonu ərazisində baş verən yol-nəqliyyat hadisəsinin görüntüsü anbaan kameraya düşüb. Avtosfer.az xəbər verir ki, hadisə martın 9-da, Salyan yolu şosesində baş verib.

Belə ki, yük maşınında hərəkət zamanı texniki nasazlıq yaranıb. Sürücü nəzarəti itirdiyindən maşın gözlənilmədən geriyə doğru hərəkət etməyə başlayıb.

Sürücü qəzanın qarşısını almaq üçün müxtəlif manevrlər etməyə cəhd göstərsə də, nəqliyyat vasitəsini dayandırmaq mümkün olmayıb. Nəticədə, yük maşını yolun kənarında park edilmiş avtomobilləri əzib, daha sonra isə obyektə çırpılaraq dayanıb. Hadisə nəticəsində yol infrastrukturuna da müəyyən dərəcədə ziyan dəyib.

Hadisə şahidlərinin sözlərinə görə, qəzaya səbəb yük maşınının əyləc sistemində yaranan nasazlıq olub.

Fərid