Bakıdan Cəbrayıla gedən avtomobil aşdı: Ziyarətə gedən qadın ÖLDÜ

Cəbrayıl rayonunda ölümlə nəticələnən ağır yol-nəqliyyat hadisəsi baş verib.

Avtosfer.az oxu.az-a istinadən xəbər verir ki, qəza rayonun Şükürbəyli kəndi ərazisində qeydə alınıb. Hərəkətdə olan minik avtomobilinin aşması nəticəsində Bakı şəhərində yaşayan, əslən Cəbrayıldan olan Elnurə İsayeva ağır xəsarətlər alıb.

O, dərhal xəstəxanaya çatdırılsa da, həkimlərin səylərinə baxmayaraq, həyatını xilas etmək mümkün olmayıb.

İlkin məlumata görə, hadisə zamanı avtomobildə olan şəxslər Bakıdan Cəbrayıla ziyarət məqsədilə gediblər.

Faktla bağlı araşdırma aparılır.