Bakıxanovda “BakuBus” avtobusu zəncirvari qəzaya səbəb oldu - VİDEO

Paytaxtın Sabunçu rayonu, Bakıxanov qəsəbəsində zəncirvari yol qəzası baş verib.

Avtosfer.az-ın məlumatına görə, hadisə noyabrın 4-də günorta saatlarında Bəşir Bünyadov küçəsində qeydə alınıb. Belə ki, “BakuBus” MMC-yə məxsus 60 nömrəli müntəzəm marşrut xətti üzrə hərəkət “BMC” markalı avtobus, “KIA” markalı avtomobilə, o isə öz növbəsində "Hyundai" markalı yük maşınına çırpılıb. Şahidlərin iddiasına əsasən, qəzaya səbəb düzgün ara məsafəsinin düzgün təyin edilməməsi olub. Nəticədə hər üç nəqliyyat vasitəsinə maddi ziyan dəyib. Xoşbəxtlikdən xəsarət alan olmayıb.

Qeyd edək ki, qəzadan sonra yolda sıxlıq yaranıb. Əraziyə polis əməkdaşları cəlb olunub.

Faktla bağlı araşdırma aparılır. 

Nərmin