Betonqarışdıran maşın “Ağ şəhərdə” döngədə park edilən avtomobili əzdi - VİDEO

Paytaxtın Xətai rayonu 8 Noyabr prospektində maraqlı qəza hadisəsi baş verib. Belə ki, betonqarışdıran yük maşını hərəkətdə olarkən yolun kənarında düzgün qaydada parklanmayan “Mercedess” markalı minik avtomobilinə çırpılıb.

Avtosfer.az xəbər verir ki, hadisə zamanı xəsarət alan olmasa da, avtomobildə ciddi texniki zədələr yaranıb.

Minik avtomobili yolun kənarında dayanma-durma qaydalarını tam nəzərə almadan saxlanılıb. Bu da iri tonnajlı betonqarışdıran maşının manevr imkanlarını məhdudlaşdıraraq toqquşmaya səbəb olub.

Mütəxəssislər bildirir ki, iri tonnajlı nəqliyyat vasitələri üçün şəhər daxili yolların dar olması, düzgün park etməyən sürücülərlə birlikdə riskli vəziyyətlər yaradır. Yol hərəkəti təşkili məsələləri üzrə ekspertlər sürücüləri dayanma-durma qaydalarına ciddi əməl etməyə çağırır.

Eltac Zülfüqaroğlu