“Biman” aviaşirkətinə məxsus təyyarə Myanmada qəzaya uğrayıb - FOTO

“Bangladesh Airlines”in “Biman” aviaşirkətinə məxsus “Bombardier Dash 8 Q400” təyyarəsi Myanmanın Yanqon hava limanına eniş vaxtı qəzaya uğrayıb.

Avtosfer.az “TASS”a istinadən xəbər verir ki, bu barədə mayın 8-i “The Myanmar Times” agentliyi məlumat yayıb.

İlkin məlumatlara görə, təyyarə uçuş-enmə zolağından kənara çıxaraq, ön hissəsi və qanadları zədələnib.

что у самолета повреждены передняя часть и крылья

Agentliyin hava limanında olan mənbəsi təsdiqləyib ki, insident təyyarənin enişi zamanı baş verib.

“France-Presse” agentliyinin məlumatına görə, hadisə nəticəsində pilot, stüardessa və 9 sərnişin yüngül xəsarət alıb. Təyyarənin göyərtəsində Banqladeş, Myanma, Kanada, Çin, Hindistan, Fransa və İsveçrə vətəndaşları olmaqla ümumilikdə 31 nəfər sərnişin olub. 

Hazırda aeroportun fəaliyyət müvvəqqəti dayandırılıb.

Qəzanın səbəbləri araşdırılır.

Namiq