Binədə sərnişin avtobusu piyadanı vurdu

Bakının Xəzər rayonunda sərnişin avtobusu piyadanı vurub. Avtosfer.az-ın ONA-ya istinadən məlumatına görə, yol-nəqliyyat hadisəsi Binə qəsəbəsi, Südçülük sovxozu ərazisində qeydə alınıb. Belə ki, həmin ərazidə yolu keçmək istəyən 1965-ci il təvəllüdlü Əliyeva Elmira Ayıl qızını 160 saylı xətt marşrutu üzrə hərəkət edən sərnişin avtobusu vurub. Yaralı təcili tibbi yardım vasitəsilə 3 saylı şəhər Klinik Xəstəxanasına yerləşdirilib. Hazırda vəziyyətinin ağır olduğu deyilir. Faktla bağlı Xəzər Rayon Polis İdarəsində araşdırma aparılır.

160 saylı avtobusun rəhbərliyindən Avtosfer.az-a bildirilib ki, onlara məxsus avtobuslarda hər hansı hadisə baş berməyib.