Binədə yolayrıcına baxmadan girən “Nissan” “Chevrolet”ə çırpıldı - ANBAAN VİDEO

Paytaxtın Xəzər rayonu, Binə qəsəbəsində baş vermiş qəza anbaan təhlükəsizlik kamerasına düşüb.

Avtosfer.az-ın məlumatına görə, hadisə aprelin 28-də saat 08:06 radələrində qeydə alınıb. Belə ki, “Nissan” markalı maşın, “Yango” taksi şirkətinə məxsus “Chevrolet” markalı avtomobillə toqquşub. Kadrda “Nissan” sürücüsünün yolayrıcına daxil olan zaman sağ tərəfdən gələn maşını gözləmədən hərəkət etdiyi aydın şəkildə əks olunub. Digər tərəfdən “Chevrolet”in sürücüsünün də yaşayış zonasında avtomobili yüksək sürətlə idarə etdiyi görünür. 

Qeyd edək ki, hadisə zamanı hər iki nəqliyyat vasitəsinə maddi ziyan dəyib, sürücülər arasında xəsarət alan olmayıb.

Xatırladaq ki, nizamlanmayan yolayrıcında hərəkət üstünlüyü baş yoldakı nəqliyyat vasitələrində olur. Lakin bəzi sürücülər baş yolda olan maşınları gözləmədən yolayrıcına daxil olurlar və videodakı sürücü kimi qəzaya səbəb olurlar. Bu xətanı törədən sürücülər İnzibati Xətalar Məcəlləsinin 327.2-ci maddəsinə əsasən, 3 bal və 80 manat cərimələnə bilərlər.

Nərmin