Bir həftə əvvəl vəsiqə almışdı, qırmızdan keçib ağır qəza törətdi – 2 ölü, 2 yaralı var - FOTOLAR

Sürücülük vəsiqəsini cəmi bir həftə əvvəl alan 18 yaşlı gənc ağır yol qəzası törədib. Avtosfer.az xəbər verir ki, hadisə Rusiyanın Surqut şəhərində baş verib. Məlumata görə, o, idarə etdiyi "Lada" markalı avtomobillə yolayrıcından keçərkən işıqforun qırmızı işığına məhəl qoymayaraq hərəkəti davam etdirib. Nəticədə avtomobil 36 yaşlı kişinin idarə etdiyi "Toyota" ilə toqquşub.
Güclü zərbə nəticəsində hər iki sürücü aldığı xəsarətlərdən hadisə yerindəcə dünyasını dəyişib.
Qəza zamanı "Lada"da olan sərnişinlər – 16 və 18 yaşlı iki gənc isə müxtəlif dərəcəli bədən xəsarətləri ilə xəstəxanaya yerləşdirilib. Hazırda faktla bağlı araşdırma aparılır.

Namiq Musayev