Bu ölkədə ağır təyyarə qəzası - ÖLƏNLƏR VAR

Florida ştatının Mayami Beynəlxalq Hava Limanında Boeing 767-300 tipli yük təyyarəsinin uçuş-enmə zolağından çıxması nəticəsində azı 5 nəfər həlak olub, daha 5 nəfər yaralanaraq xəstəxanaya yerləşdirilib.

Avtosfer.az xəbər verir ki, Mayami-Deyd qraflığının meri Daniella Levin Kava hadisə ilə bağlı məlumat verib.

O, keçirdiyi mətbuat konfransında bildirib ki, Puerto-Rikodan uçan Amazon Air yük təyyarəsi Mayami Beynəlxalq Hava Limanında uçuş-enmə zolağından çıxıb.

Hadisə nəticəsində 5 nəfər həyatını itirib, 5 nəfər isə yaralanıb.

ABŞ Milli Nəqliyyat Təhlükəsizliyi Şurası (NTSB) qəzanın səbəblərini araşdıracaq.