Daha bir uçan avtomobil: Bordürə çırpılıb 2 maşının üstündən tullandı – ANBAAN VİDEO

Türkiyənin paytaxtı Ankarada sürücünün idarəetməni itirməsi nəticəsində avtomobil qəfil yoldan çıxaraq yüksək sürətlə avtoyuma məntəqəsinə daxil olub.
Avtosfer.az xəbər verir ki, hadisə anı ərazidəki müşahidə kameraları tərəfindən qeydə alınıb və sosial şəbəkələrdə geniş yayılıb.

Görüntülərdə 06-AU-9414 nömrə nişanlı avtomobilin yüksək sürətlə hərəkət etdiyi, daha sonra isə idarəetməni itirərək avtoyuma məntəqəsinə çırpıldığı açıq şəkildə görünür. Qəza zamanı dükanın qarşısını süpürən işçi və avtomobildə olan iki nəfər müxtəlif dərəcəli xəsarətlər alıb. Yaralılar dərhal xəstəxanaya çatdırılıb.

Hadisə şahidləri bildiriblər ki, avtomobilin sürəti həddindən artıq yüksək olub və sürücünün vaxtında manevr edə bilməməsi faciəyə səbəb olub. Polis hadisə ilə bağlı araşdırmalara başlayıb.

Mütəxəssislər isə qeyd edirlər ki, belə hadisələrin əsas səbəbi sürət həddinin aşılması və diqqətsiz idarəetmədir. Bu cür qəzalar bir daha sürücülərə şəhər daxilində yüksək sürətlə hərəkətin nə qədər təhlükəli olduğunu xatırladır.

Eltac Zülfüqaroğlu