Dəhşətli qəza baş verdi: Hərbçi həlak oldu

Hacı Zeynalabdin qəsəbəsi (Nasosnu) ərazisində ağır yol-nəqliyyat hadisəsi baş verib.

Avtosfer.az nocomment.az-a istinadla xəbər verir ki, hadisə şahidlərinin yaydıqları məlumatlara görə, qəza hərbi hissənin qarşısında qeydə alınıb. Minik avtomobili yolu keçmək istəyən piyadanı vurub və aldığı ağır xəsarətlərdən həmin şəxsin hadisə yerində dünyasını dəyişdiyi bildirilir.

Qəza nəticəsində həlak olan şəxsin hərbçi – kapitan rütbəsində olan bölük komandiri olduğu qeyd olunur. 

Yerli sakinlər ərazidə işıq dirəklərinin işləmədiyini, gecə vaxtı görünüş məhdudiyyətinin yaranmasını və bu səbəbdən də dəhşətli qəzaların təkrarlandığını bildirərək narazılıqlarını ifadə ediblər. 

Faktla bağlı müvafiq araşdırmalara başlanılıb.