Dəmir yolunun naqillərini oğurlayanlar tutuldu - VİDEO

Stansiya ərazisindən mis tərkibli naqilləri oğurlayan şəxslər tutulub Hadisə paytaxtın Sabunçu rayonunda, ''Azərbaycan Dəmir Yolları'' Qapalı Səhmdar Cəmiyyətinə məxsus təmir işlərinin aparıldığı Zabrat stansiyasının ərazisində olub. Stansiyanın əməkdaşları polisə məlumat veriblər ki, 5 metr hündürlükdən gedən mis tərkibli naqillər oğurlanıb. Dəmir Yolu Nəqliyyatında Polis İdarəsinin Sabunçu Xətt Polis Şöbəsinin əməkdaşları naqilləri kəsərək oğurlayan paytaxt sakinləri, əvvəllər məhkum olunmuş Ələsgər Novruzov və Famil Qədirovu saxlanyıblar. Onların üzərlərinə baxış keçirilən zaman naqilləri kəsmək üçün istifadə etdikləri alətlər dəmaddi sübut kimi aşkar edilərək götürülüb.

Stansiyada təmir işləri aparıldığından təhlükəsizlik baxımından ərazidə polis nəzərati gücləndirilib.

Faktla bağlı Sabunçu Xətt Polis Şöbəsində təhqiqat araşdırmaları davam etdirilir.